वीरगंज, फागुन १७ ।
सेस्मी इन्टरनेशनल स्कूल वीरगंजद्वारा आज स्कुलमा अध्ययनरत कक्षा १० का विद्यार्थीहरूको विदाई समारोह सम्पन्न गरिएको छ । सेस्मी ईन्टरनेशनल स्कुलकी प्रधानाध्यापक आश्मा सिंह यादवको सभापतित्वमा सम्पन्न विदाई समारोहमा प्रमुख अतिथि प्रदेश नम्बर २ का प्रदेश सांसद प्रहलाद गिरीले विद्यार्थीहरूको उज्ज्वल भविष्यको कामना गर्दै अाउन लागेको SEE परिक्षाको सफलताको शुभकामना दिनु भएको थियोे, त्यसै गरि कार्यक्रमका विशिष्ट अतिथि नेपाल पत्रकार महासंघ पर्साका अध्यक्ष श्याम बन्जारा, बाल रोग विशेषज्ञ डा. शैलेश ठाकुर, शिक्षक महासंघका केन्द्रीय सदस्य चन्देश चौहान, शिक्षक महासंघ पर्साका पुर्व अध्यक्ष रामचन्द्र पंडित, ठाकुरराम क्याम्पसका पुर्व प्रधानाध्यापक केदार प्रसाद साह, ईकोनोमिक जर्नलिस्ट एसोसिएसनका राष्ट्रिय अध्यक्ष विजय कुशवाहा, कोनिहा माविका प्रधानाध्यापक देवशरण यादव, रेल्वे माविका शिक्षकहरू अकबर हवारी, रामदेव महतो, महन्थ यादव लयायतले आ-आफ्नो शुभकामना मन्तव्य व्यक्त गरेका थिए ।
कार्यक्रममा विद्यालयका शिक्षक शिक्षिकाहरू, अभिभावक लगायत विद्यार्थीहरूको उल्लेख्य सहभागिता रहेको थियो । सोही अवसरमा स्कुलका विद्यार्थीहरूले विभिन्न झाँकी सहितको नृत्यहरू प्रस्तुत गरेका थिए ।
कार्यक्रमको सहजीकरण सेस्मी ईन्टरनेशनल स्कुल कक्षा ९ मा अध्ययनरत पुष्पा क्षेत्री र अमृत वर्णवालले गरेका थिए ।