वीरगञ्ज, १६ असोज । गान्धी जयन्ति तथा अन्तराष्ट्रिय अहिंसा दिवसको अवसरमा भारत सरकारले नेपालका विभिन्न संघ संस्थाहरुलाई एम्बुलेन्स लगायतका वाहनहरु सहयोग गरेको छ ।
महात्मा गान्धीको १५१ औँ जन्म जयन्तीका अवसरमा यस वर्ष पनि भारतीय राजदूतावास काठमाडौँले स्वास्थ्य तथा शिक्षाको क्षेत्रमा काम गरिरहेका विभिन्न सरकारी, गैरसरकारी एवम् गैरनाफामूलक संघ संस्थाहरुलाई ४१ वटा एम्बुलेन्स र ६ वटा बस उपहार स्वरुप प्रदान गरेको हो ।
मधेशको अधिकार र विकासमा सक्रिय मधेश फाउन्डेशन नेपाल लाई भारतीय दूतावास, काठमाडौंले एक थान एम्बुलेन्स प्रदान गरेको छ । भारतीय दुतावास काठमाण्डौले मानवीय सेवालाई अझ सशक्त रूपमा अगाडी बढाउन फ़ाउन्डेशनलाई एक थान एम्बुलेंस उपहार स्वरूप सहयोग गरकोमा फाउन्डेशन की अध्यक्ष पिंकी देबी यादवले धन्यवाद व्यक्त गर्नु भयो ।

अध्यक्ष यादवले एम्बुलेन्स प्राप्त भएसँगै मानवीय सेवा कार्य मा जिम्मेवारी थपिएको बताउँदै अझ प्रभावकारी ढंगबाट काम गर्ने प्रतिबद्धता समेत व्यक्त गर्नु भएको छ।