बारा १५ असार ।
जिल्ला प्रहरी कार्यालय बाराबाट प्रहरीले ठूलो मात्रामा पिकअप गाडीमा लोड रहेको लागू औषध गाजा सहित दुइजनालाई पक्राउ गरेको छ ।
विशेष सूचनाको आधारमा इलाका प्रहरी कार्यालय सिम्रौनगढ, बाराबाट प्रहरी निरीक्षक नविन राईको कमाण्डमा खटिएको प्रहरी टोलीले जिल्ला बारा, सिम्रौनगढ नगरपालिका वडा नं. ५ ठुलो ईट्टवाल बस्ने मनोज कुमार साहको घरमा लुकाइ छिपाइ राखेको २०१ किलो ( १६ पोका ) लागू औषध गाँजा र बागमती प्रदेश ०१-०२९ च ६७५२ नं. को योद्धा पिकअप गाडी सहित दुइजनालाइ नियन्त्रणमा  लिएको छ। पक्राउ पर्नेमा जिल्ला धादिङ, निलकण्ठ नगरपालिका वडा नं. ८ बस्ने गाडिका चालक सुजन अधिकारी र जिल्ला धादिङ, ज्वालामुखी गाउँपालिका वडा नं. १ बस्ने गाडीका सह-चालक रमेश नेपाली रहेको बारा प्रहरीले जनाएको छ ।
लागू औषध गाजा सहित पक्राउ परेका दुबैजनालै आवश्यक कानूनी प्रक्रिया अगाडि बढाइएको जिल्ला प्रहरी कार्यालय बाराका प्रवक्ता तथा सूचना अधिकारी दधिराम न्यौपानेले उक्त जानकारी दिएका छन्।